“Diseinu, animazio, ilustrazio edo argazkigintzarekiko grina sentitzen baduzu, IDarte zure eskola da. Gure ikasketen bidez, ezagutzak eta trebetasunak garatu ahal izango dituzu, zure karrera profesionala lantzen lagunduko dizutenak, zure grina etorkizuneko lanbide bihurtuz”, hala dio Mònica Serentill IDarteko zuzendariak, 2023-2024 ikasturterako izena emateko prozesu berriaz galdetuta. Eskola bat baino gehiago, ikasteko filosofia desberdina da IDarte, non ikasleek eta irakasleek beren ekosistema sortzeko ere laguntzen baitute, altzarietatik hasi eta erakundearen web orriraino. “Erakundeak hezkuntzan eta berrikuntzan jartzen da arreta, artea eta diseinua ikerketarekin eta emaitzekin konbinatuz”, erantsi du.

Eduki horiek bi urteko hiru heziketa ziklotan eta lau urteko diseinuko bi gradutan biltzen dira. Datorren ikasturteari begira, prestakuntza tekniko osoa jasotzeaz gain, ikasleek Gasteizko altzariak eta espazio publikoak diseinatzeko hainbat ekimenetan parte hartuko dute, Udalarekin sinatutako lankidetza-hitzarmenari esker. Halaber, diziplina anitzeko proiektuetan parte hartuko dute Dantzerti eta Musikenerekin, eta ospe handiko enpresetan praktikak egin ahal izango dituzte Global Training beka-programari esker.

IDarteko ikasketek sorkuntza eta diseinu-industrien sektorean lan egiteko gaitasuna ematen diete ikasleek.  Hori errazteko, bere katalogoko espezialitate guztiak barne hartzen dituen praktika-programa zabal batean parte hartzen dute: barne diseinua (espazioen eraberritzeak, eszenografia, modelatze birtuala edo home staging), diseinu grafikoa (identitate korporatiboa, brandinga eta argitalpen-estrategia, bai inprimatutako euskarrietan, bai euskarri digitalean, eta baita ikus-entzunezkoetan ere), ilustrazioa (argitalpen-industriari eta era guztietako komunikabideei, horma-irudiei edo publizitateari aplikatutako ilustrazioak), animazioa (animazioarekin, motion graphics-ekin, bideo-jokoekin edo publizitate-iragarkiekin lotutako enpresak) eta argazkigintza (komunikabideak, dokumentazio eta artxibo fotografikoak, moda-argazkia, publizitatea, barne-arkitektura).

Izena emateko eta matrikula egiteko prozesuari buruzko informazio guztia www.idarte.eus web orrian kontsulta daiteke, edo, bestela, ikastetxearekin harremanetan jar zaitezke info@idarte.eus posta elektronikoko kontuaren bidez edo 945 123 395 telefonoaren bidez.