Erakusketa osatzen duten bideo, instalazio, testu, irudi eta bestelako materialek autorearen ekoizpen artistikoa laburbiltzen dute 90eko hamarkadatik gaur egunera arte. Jeremy Deller-ek (Londres, 1966) gaur egungo gizartearen kontraesan politiko eta historikoei buruzko gogoeta planteatzen du, kultura herrikoi britainiarraren eta bere herrialdeko langile-kulturaren hainbat osagai erabiliz. Ildo horretan, esanguratsua da The Battle o Orgreave (Orgreaveko gudua) izeneko pieza ikonikoa. 1984an poliziarekin enfrentamendu bortitzak eragin zituen britainiar meatzarien protesta mugimenduari eskainita dago erakusketak barne hartzen duen instalazioa. Hori bezalako gertakizunak abiapuntu hartzen ditu egileak artearen, memoriaren eta historiaren arteko harremanak aztertzeko.
Dellerrek golardo garrantzitsuak irabazi ditu, horien artean 2004 Turner Sari prestigiotsua, Erresuma Batuan artearen esparruan ematen den garrantzitsuenetako hain zuzen ere. Bilbora etorri aurretik, erakusketa CA2M (Madril), MUAC (Mexiko) eta PROA Fundazioa (Argentina) aretoetan izan da ikusgai.