Gizonen eta emakumeen arteko harremanak umorez arakatzen dituen komedia aurkeztuko du La Papa konpainia durangarrak. Izaskun Asua (Geroa-ko kide izandakoa) eta Ricardo Combi aktoreek abentura honi ekin diote, 'Rosas Rojas' lanarekin izandako arrakastaren ondoren.
Milaka urteko eboluzioa eta oraindik ez dugu lortu bikotearen elkarbizitzan sortzen diren gatazka txikiak arintzea. Gizon eta emakumeen rol sozialetan izandako aldakuntza sakonek are gehiago nahastu dute guztia. Zer egin dezakegu? La Papa antzerti konpainia durangarrak zera proposatzen digu: kontua umorez hartzea 'Las mariposas del estómago no han muerto' antzezlana ikusiz, batek baino gehiagok bere burua islatuta ikusiko duen bikote-harremanei buruzko komedia.
"Onartu beharrean gaude: desberdinak gara eta desberdin sentitzen dugu, baina hori ez da motibo nahikoa batek bestea menpean hartu edo manipulatu dezan". Horrelaxe laburbildu du muntaiaren mezua Izaskun Asua antzezleak. Ricardo Combirekin batera La Paparen sortzaile eta bultzatzaile dugu Asua, eta biek elkarrekin ekin diote proiektu honi, 'Rosas Rojas' arrakastatsuaren ondoren.
Baliteke eboluzioak perfektuak ez egin izana, baina gure buruaz barre egitea uste baino argigarriagoa izan daiteke.
Segur aski asko interesatuko zaizu...