30 urtez antzerkiarekiko konpromisoa azaldu ondoren, albistea ez zen izan La Zarandak 2011ko Antzerki Sari Nazionala irabaztea, baizik eta sari hori lehenago ez eman izana. Inori ezer zor ez dionaren lasaitasunaz eta ibilbide osoan zehar bereizgarri izan duen maisutasunaz, konpainia paregabe honek gai ‘tabu’ bati heldu dio ‘Nadie lo quiere creer’ antzezlanean: heriotza.
Zergatik ekiditen dugu hainbeste aldiz gai hori, erabat unibertsala izan arren? “Heriotzak gauzen garantziaz eta laburtasunaz gogoeta egiteko bide ematen digulako. Gera gaitzake edukitzearen eta kontsumitzearen lasterketa zentzugabe honetan, konfortaren anestesiatik esnatu”, arrazoitu du La Zarandako dramaturgo eta konpainiaren testuen sortzaile Eusebio Calongek. Heriotzara hurbiltzeko, umorea eta “sainetearen apaltasuna” erabili dituzte. 
La Zarandak espektroz betetako etxea dakarkigu oraingoan. Ikusleek interpretazio desberdinak egin ditzaten pentsatutako testuez gozatzeko beste aukera bat da; eta, jakina, baita Antzerkiaz ere.