‘MIRALDA MADEINUSA’ erakusketak Antoni Miralda (Terrassa, 1942) artista katalanaren obra berreskuratuko du, Estatu Batuetan izan zuen egonaldi luzean egindako lana, 1970eko hamarkadaren erdialdetik. Haren artxibo pertsonaletik abiatuta, garai hartan egin zituen instalaziorik nabarmenetako batzuk berreraikiko dira, eta materialen aukeraketa zabala jarriko da ikusleen esku, haren lanaren sorreran barneratu ahal izateko: ekintzen ikus-entzunezko grabazioak, marrazkiak, zirriborroak, fotografiak eta bestelako material dokumentalak, gehienak argitaragabeak.

Haren obra nabarmenen artean, hauek egongo dira ikusgai: ‘Breadline' (1977), ogiz egindako ilara luzea, 1929ko Depresio Handian janaria lortzeko egiten ziren ilara luzeak gogorarazten dueña, Contemporary Arts Museum-en aurkeztua; ‘Wheat & Steak’ (1981), Kansas Cityko kaleetatik egindako desfile-performance handia, Nelson-Atkins Museum of Art-en jarritako erakusketa bat eta hiri horretako Labore Burtsan egindako parte hartzeko zeremonia; eta ‘El Internacional Tapas Bar & Restaurant’ (1984-1986), Montse Guillén errestauratzailearekin batera New Yorkeko TriBeCa auzoan zabaldutako esperimentu soziala eta artistikoa. Horrez gain, ‘Janari santua’ (1984-1989) instalazioa handia aurkeztuko da erakusketan, kultura afro-karibetarrak egungo Amerikan utzitako legatua biltzen duena, Bilboko Berreginen Museoan ikusgai ekainaren 3tik aurrera.