Honako hauek izango dira Bilboko Zirkuituaren 2023ko edizioan parte hartuko duten konpainiak: NexoTeatro “El violín desafinado de Ingres” lanarekin; Las Paralelas “El golpe”-rekin; Mejillon Tigre Kolektiboa “Hitz esana” lanarekin (euskeraz); Arimaktore “Siempre juntos” obrarekin; Luna Llena “Tuper XXX” eta “¡Porque me oprime el corsé!” lanekin; Companya del Bac “La Prudencia” antzezlanarekin; Bea Insa “HELENAS ¿de Troya?” piezarekin; Totum “2113” obrarekin eta Kaleka Teatro “Todo el tiempo del mundo” piezarekin.
Ekimenaren helburua da bertako sorkuntza bultzatzea eta kultura hiriko auzo guztietara eramatea. Bilboko Zirkuitua ekimen aitzindaria eta bakarra da Euskadin, eta gerora eremu profesionalera jauzi egin duten konpainien lana ezagutarazteko balio izan du.