Balenciaga Museoa ekitaldiz betetako urtea betetzen ari da, Cristobal Balenziaga (Getaria, 1895-Valentzia, 1972)jostun gipuzkoarraren lehen lantegiaren inaugurazioaren mendeurrena dela eta. Erakundeak Rachel Mellon Collection erakusketa inauguratuko du maiatzaren 27an; maisuaren urterik oparoenak laburbiltzen ditu, 1957 eta 1968 bitartekoak hain zuzen ere.
Estatu batuetako XX. mendeko burgesiako dama handia, Rachel Lowe Lamber Mellon (Bunny ezizenarekin ezaguna) filantropoa, arte-bildumazalea eta lorategi-diseinatzailea (Etxe Zurikoak diseinatu zituen, besteak beste) ere izan zen. Kennedy familiaren lagun hurkoa, Balenciagaren bezerorik onenetakoa izan zen. Hortaz, bere bilduma pribatua oso baliagarria da sortzailearen lana ulertzeko, pieza batzuk lehen aldiz erakutsiko baitira.
Museoak 100 pieza desberdin hartuko ditu, Mellon andereak zituen 500en artean aukeratutakoak. Erakusketa aparteko erronka da museoarentzat, maisuaren sortze gaitasunaren parekoa.