Galdera. Fisikoki existitzen da ‘La ciudad de las palmeras’ (Palmondoen hiria)?
Erantzuna. Egia esan, ez. Juanek irakurri zuen antzezlan moduko batean zetorren eta grabatu genuenean diskoari izen hori jartzea erabaki genuen.
G. Nolako aho-gustua utzi dizue disko berriak?
E. Oso pozik gaude. Grabatzen duzunean hori izaten da normalena, nahiz eta gero pixkanaka akatsak aurkitu lanari. Baina urte dezente daramagu eta disko batzuk grabatu ditugu, beraz gauzak zelan egin behar diren ikasten goazela esan daiteke.
G. Soinuaz ari garela, diskoak soinu gordina du. Nahita bilatutako efektua izan da?
E. Nik uste dut baietz. Soinu naturalaren aldekoak gara erabat. Nire bateria 63. urtekoa da eta horrek soinu natural eta urtetsua ematen dio; eta gitarrarekin, antzera gertatzen da. Soinu klasikoa dugu eta ez dugu ekoizpen handirik bilatzen, baizik eta soinua benetakoa izatea. Ez dago manipulatuta akatsik entzun ez dadin, diskoak grabaketa-estudioan sortu zen soinua jasotzea nahi dugu eta.
G. Zuen testuek eguneroko bizimoduko istorio txikiak iradokitzen dituzte. Nondik sortzen dira?
E. Oso testu arruntak dira. Ez dugu istorio idilikorik ez maitasunezkorik kontatzen, baizik eta gertatu diren edo gerta zitezkeen gauzak,edonork irakur eta uler ditzakeen gauzak. Lanetik itzultzean edo beste edozein unetan abesti bat idaztera bultzatuko zaituen istorio baten lekuko izanzaitezke.
G. Nolako ekarpena egin dio Muy Fellini-ri aurretik bestetalde batzuetan egin duzuen lanak?
E. Ekarpen nagusia esperientzia izan da. Hasi nintzenean 17 urte nituen eta ez nekien ezta haizean nondik jotzen ninduen ere, oroitzapena beti positiboa bada ere. Orain beste ikuspuntu batetik egiten dituzu gauzak, beste trebetasun bat duzu, eszenatokian egoteko beste modu bat. Mugakizun teknikoak dituen taldea gara, baina egiten duguna ondo egiten dugu. Esperientziak ematen dizu gradu hori.