Galdera. Zergatik sartu zara disko eta bira akustikoa egiteko abenturan?

Erantzuna. Zerbait berezia egiteko gogoa neukan. Helburua da lanean jarraitzea eta hor jarraitzen dugula gogoraraztea jendeari. Disko honetan eta bira honetan aurreko diskoko abestiak entzungo dira, baita Tahures Zurdosen kantu ez oso ezagun bat eta beste bat berria. Izan ere, garai honetan sormena gorde egin behar da. Arrakero izandakoa naizenez gero, baza batzuk gordetzen ditut.

G. Baina formatu honetan ez dago tranparik egiterik, ezta? Eszenatokian dagoena besterik ez da ikusten.

E. Egia da. Urte asko daramat hori egiten, musikari bikainekin. Horietako bat, Israel Santa Maria tekla-jotzailea, Tahúres Zurdoseko kidea ere izan zen. Izugarri gustura sentitzen naiz. Oso formatu zintzoa da, dagoen guztia ikusten da eta, gauza onak eta txarrak. Jotzeko modu hurbila da; batzutan etenaldietan isiltasuna labanaz ebaki daitekeela dirudi. Apalki esango dizut oso ona naizela formatu horretan. Ia hogeita hamar urteko ibilbidea bete dut eta hori esatea badut.

G. Tahúres Zurdosen lehen abestietako bat jo behar duzula esan duzu. Kantu horiek lehen bezala funtzionatzen dute oraindik ere?

E. Denbora asko pasatu denez, bestelako soinua hartu du. Formatu akustikora moldatu dut eta ez dakit hobeto ala okerrago jotzen oten duen, baina ez du indarrik galdu. Maisuengandik ikasi dut hori, Bowie eta Dylan bezalako musikariengandik. Horien abesti bat entzuten duzunean, atenporalitatea oso balio garrantzitsua dela ulertzen duzu, modak oso azkar pasatzen direlako. Nire kasuan, kantu batzuek hogeita hamar urte baino gehiago dute eta inork ez dit galdetzen noiz idatzi nituen.

G. Eta zer behar da horrelako abesti bat sor dadin?

E. Egia esan, ideiarik ere ez dutÖAbestiak idazteko prest nago beti, baita imajinaezinezko egoeretan ere. Nire kasuan, ‘indie’ naiz aspalditik, babesten nauen diskoetxerik ez dudalako. Ez dut presiorik eta ez dut zertan modei jarraitu. Abesti gutxi entzuten dut, baina idazten dudanean arreta osoa jartzen diot. Lehenengo eta behin zintzo jokatu behar duzu.

G. Eta zer bultzatzen zaitu idaztera gaur egun?

E. Osasunez makal samar ibili naiz azkenaldian eta horrelako egoeretan gauzak baloratzen ikasten duzu. Baloratzen duzu etapak betetzea. Pertsona borrokalaritzat dut nire burua; nire inguruan maitasun asko dago, babesten nauten familia eta lagunak. Hori guztia abestien bidez bideratzera bultzatzen zaitu egoera horrek; hain zuzen ere, aurreko diskoan bada horretaz ari den abesti bat, ‘Clases de baile’ izenekoa. Bizitza oso polita da eta askotan huskeriengatik larritzen gara. Bizitza bizitzen eta ahalik eta kexatzen saiatzen naiz, baikortasunez eta nire sentimenduak abestien bidez bideratuz.