Galdera. Lehenengo eta behin, zer aurreratu zenieke ikusleei obra honen inguruan?

Erantzuna. Primeran pasatuko dutela aurreratzen diet, ‘Tres’ barre eginarazteko mekanismoa da. Helburu bakarra du: ordu eta erdiz jendeari barre eginaraztea.

G. Eta, hala ere, obrak abiapuntu dramatikoa du…

E. Komediaren oinarrian tragedia dago beti eta honek benetako greziar komedia den hasiera du: mundura umeak ekartzea. Zorionez, Juan Carlos Rubio (antzezlanaren autore, zuzendari eta ekoizlea) erabat zoratuta dauden lau pertsonaia sortu ditu. Eta lau zoro elkartuz gero…badakizu!

G. Barre eginaraztea antzerkiaren funtzio sozialaren zati bat da?

E. Barrea terapeutikoa da. Betidanik, garai guztietan, antzerkiak funtzio terapeutikoa bete izan du. Guztiok behar dugu barrea. Nik uste dut barrea ona dela uneoro.

G. Antzezlan honek hilabete dezente daramatza antzokiz antzoki. Zelan eboluzionatu du orain arte?

E. Muntaia biribildu egin da. Une honetan hain gozoa den karamelu-puntu horretan dago.  Zorionez, hainbeste aldiz errepikatuta ñabardura gehiago aurkitu diogu; beraz, baten batek bigarren aldiz ikusten badu, desberdina dela konturatuko da.