Dantza garaikideko munduko konpainiarik onenetakoak Kubako folklorearen sustraiak nazioarteko dantzaren joera berriekin uztartzen ditu. Mugimenduz eta musikaz betetako kubatartasun eztanda.
Kubaren arima eta dantza garaikidearen munduan imajina daitezkeen eragin guztiek bat egiten dute 1959. urtean sortu zenez geroztik munduko osoko eszenatokietan ikusleen eta kritikaren onespena jaso duen konpainia honen koreografietan. Danza Contemporánea de Cuba nazioarteko dantza konpainiarik onenetako bat izan da urte hauetan guztietan.
Kubatar sustraiak beste eragin batzuekin uztartzeko konpainia honek duen berezkotasunaren adierazgarri da ‘Mambo 3XXI’, bira honetan aurkeztuko duen koreografietako bat, non agerian geratzen baita Danza Contemporanea de Cuba-k fusioaren alde egin duen apustua. ‘Demon-crazy’ eta ‘Folia’ izeneko piezek osatzen dute egitaraua.
“Hiru pieza desberdin dira eta haietako bakoitzak ikusleak liluratzeko eta harritzeko gaitasuna du, dantzarien kalitateagatik, estilo garaikidetik neoklasikora igarotzen direnak, piso, conac, capoeira, rumba bambu eta Kubako beste dantza herrikoi batzuekin nahastuz”, azaldu du konpainiaren bozeramailea den Jorge Brooks-ek.
Segur aski asko interesatuko zaizu...