MUSIKA
Testua: Durangoko Azoka

DURANGOKO AZOKA
Durangoko Euskal Liburu eta Disko Azoka
DURANGOKO AZOKA (DA!)
Durangoko Azoka Bañolet websaila aurkeztuko du
2021-12-04
Iazko edizioan Sormen Beka irabazitako lana da. Azokako online denda ere bigarren egunez egon da martxan.

Gaur ireki ditu ateak aurrez aurreko Durangoko Azokak. Goizeko 10:00etan sartu dira Landako Gunera lehenengo bisitariak, aldez aurretik durangokoazoka.eus webgunean erreserba egin ostean. Landako bisitatzeko 1200 bisitarien bost txandetatik lau txanda beteta egon dira. Kulturzaleek segurtasunez eta modu erosoan bisitatu ahal izan dituzte 219 erakusmahaiak. Durangoko Azokak aurrez aurre ateak ireki dituen bitartean, martxan jarraitzen du Azokako denda digitalak: bertan eskura daitezke kulturaren plazan salgai dauden kultur nobedade guztiak.

 

Azokak bere hirugarren eguna ospatuko du bihar. Landako Gunera sartzeko bost txandetatik lau bete dira jada: eguerdikoa da libre dagoen bakarra momentuz, 14:00etatik 16:00etara. Diskoen aurkezpenei dagokionez, Skakeitan eta Nikotina ikusteko sarrerak agortu dira, baina oraindik sarrerak eskuratu daitezke gainontzeko zortzi taldeak ikusteko: Diabolo Kiwi, Lur Jota, Larrealde Trikitilariak, Kilimak, Ilargi, Kai Nakai, Sueder eta Lotura.

 

Irudienean, bere aldetik, iazko sormen beka irabazi zuen Bañolet websailaren lau kapituluak estreinatuko dira, 12:00etan Zugaza Zinemetan. Paxkal Irigoyenek eta Maia Iribarnek sortutako ikus-entzunezko proiektu honetan Nafarroa Beherako herri txiki baten istorioa kontatzen da, umeen ikuspegitik. Horrez gain, Irudienean beste proiektu batzuk aurkeztuko dira: "Paperezko hegoak", "Noiz utziko dio euria egiteari", "Ibaia ez da toki bat", "Begiak hesteko artean", "Harria herria"; "Tom eta Jerry" eta "Altsasu (gau hura)".

 

Ahotsenea Solasaldietan, egunero bezala, hamaika sortzaile izango ditugu euren lan berriak aurkezten: Edorta Jimenez, Asel Luzarraga, Hartzea Lopez, Iñigo Lopez Simon, Aitor Fresnedo, Amaiur Epher, Uxue Apaolaza, Eider Rodriguez, Leire Vargas, Itziar Ugarte, Fermin Etxegoien, Hedoi Etxarte, Mikel Etxaburu eta Maite Larburu.

 

Szenatokian dantza ikuskizuna egongo da 18:00etan, Bagara Kolektiboaren eskutik: "I(n)tera(k)zioa". Proiektu honen xedea, dantzaren bidezko gorputzen mugimendua, zuzeneko musika eta teknologia berriek eskaintzen duten aukeren artean osatzen den interakzioan sakontzean datza.

 

Saguganbaran, bere aldetik, tailerrak, liburu aurkezpenak eta ipuin kontalariak izango ditugu: Xapoketan, Eider Eibar ilustratzailea, Yolanda Arrieta idazlea, "Itsaso zabalera", "Letren jolaslekuan"; "Hiru gara, baina niri bost!" Enara Garmendia eta Leire Urbeltzen eskutik (aurtengo Durangoko Azokako kartelaren egilea), "Dorotea".

 

Kabi@n geruza digitalen bigarren saioa izango dugu, 11:30ean Landako Guneko areto nagusian (ez da beharrezkoa aldez aurretik erreserba egitea). Landuko den gaia honakoa da: "zer da fedibertsoa eta zer eskaini diezaieke euskal sortzaileei?", Marko Txopitea eta Porruren eskutik.

 

Talaian, azkenik, hainbat lan eta proiektu aurkeztuko dira: "Partiturak", "Bidean", "Ilargiaren egutegia 2022" eta abar. Horrez gain, 13:30ean "Musika elektronikoa eta gaueko (ez) kultura" mahaingurua egongo da, Musika Bulegoak antolatuta.

 

Azokako gune guztietan ezinbestekoa izango da uneoro maskara jantzita izatea, jende-pilaketak ekiditea eta osasun-neurri guztiak betetzea. Durangoko Azokak dei egiten die kulturzale guztiei arduraz jokatzeko Azokako espazio guztietan, eta baita Azokatik kanpo ere, Durangoko herrigunean.

 


Segur aski asko interesatuko zaizu...
DURANGOKO EUSKAL LIBURU ETA DISKO AZOKA
Durangoko Azokaren 56. edizioa abenduaren 3tik 8ra egingo da. Kontzertuak eta bestelako emanaldiak streaming bidez ere ikusi ... (gehiago irakurri)
DURANGOKO EUSKAL LIBURU ETA DISKO AZOKA
Sortzaileak eta kultura arloko profesionalak elkarrekin harremanetan jarri du Durangoko Azokak, abenduaren 1etik 5era, Da! Pr... (gehiago irakurri)
DURANGOKO EUSKAL LIBURU ETA DISKO AZOKA
Produktuak erosteko aukera egongo da Euskal Herri osoko 141 liburudendatan, urtarrilaren 8ra arte. 55. edizioak bere aurreiku... (gehiago irakurri)
DURANGOKO EUSKAL LIBURU ETA DISKO AZOKA
Durangoko Azokako taupada ez da etengo 55. edizioan. Azokako webgunean sortuko den online dendak 2300 produktu baino gehiago ... (gehiago irakurri)
DURANGOKO EUSKAL LIBURU ETA DISKO AZOKA
Durangoko Azokaren 54. edizioak erakusmahaien diseinu berritua izango du, profesionalen eta erabiltzaileen beharrizanetara eg... (gehiago irakurri)
DURANGOKO EUSKAL LIBURU ETA DISKO AZOKA
Durangoko Azokaren 54. edizioa abenduaren 5etik 8ra bitartean egingo da 'Osorik DA!' lelopean, haren osagai guztiei erreferen... (gehiago irakurri)
DURANGOKO EUSKAL LIBURU ETA DISKO AZOKA
Durangoko Azokak aurtengo edizioko iragarkia aurkeztu du gaur, azaroak 6. Iragarkia Txakur Gorria sormen kolektiboak egindako... (gehiago irakurri)
Kmon emanaldien egutegia
Gastronomia
© Gestor de contenidos Gestor de contenidos HagaClic





Kmon

Licencia de Creative Commons
Lan hau Crative-Commons-en Aitortu-Ez Komertziala-Lan Eratorririk Gabe Nazioartekoa 4.0 delako baimen pean lago