Bilboren eta Bizkaiaren burdinazko bihotza du protagoista Aukeran konpainiaren muntaia berriak. Euskal dantza tradizionala abiapuntu hartuta, hiriaren eta lurraldearen azken zortzi hamarkadetako historiaren erretratu pertsonala sortu du Edu Muruamendiarazek zuzendutako taldeak.
Dantzaren bidez Bilboko eta Bizkaiko historian zehar bidaiatzea, olategiekin, labe garaiekin eta hamarkadatan zehar hura eratzen lagundu zuten jatorri desberdinetako pertsonekin lotutako historia. Horixe proposatzen digu Aukeran konpainiak ‘Burnia’ ikuskizunean, Unai Elorriaga (Literatura Sari Nazionalaren irabazlea ‘SPrako tranbia’-rekin) idazlearen gidoia eta Fernando Velazquez (besteak beste ‘El Orfanato’ filmaren soinu-bandaren egilea) konpositorearen musika dituen muntaia. “Bilbok eta Bizkaiak harreman estua izan dute beti burdinarekin eta hori izan da lanaren oinarria”, azaldu du taldeko zuzendari eta koreografo Edu Murumendiarazek.
Bere estiloari leial, Aukeran euskal dantza tradizionaletik abiatu da, aurretik besteak beste ‘Gernika, mihize gaineko dantza’ muntaian egin duen bezalaxe, nahiz eta orain flamenkora eta beste zenbait estilotara ere hurbildu den. Osagai horiek erabiliz, burdinazko bihotz batean gordetako indarra iradokitzen duen ikuskizun ederra sortu du.
Segur aski asko interesatuko zaizu...