AMOREBIETA-ETXANO KALE ETA PLAZAK ESZENATOKI ERRALDOI BIHURTUKO DIRA BESTE BEHIN EKAINEKO AZKEN ASTEBURUAN. BERTATIK IGAROKO DIRA EUROPAKO KALEKO TALDERIK ONENETAKO BATZUK. EPAIMAHAIAREN ETA ENTZULEEN SARIAK ESKURATU NAHIAN ZEIN BAINO ZEIN JARDUNGO DUTEN TALDEAK AURKEZTEN DIZKIZUEGU.

PINK PUFFERS (Italia)

Haize eta perkusio instrumentuak menderatzen dituzten 13 musikari; zuzenean ikuskizun aparta eskaintzen dute. Funk oinarriaren gainean, denetariko soinuak nahasten dituzte (‘Phunk’ egiten dutela diote beraiek, funk eta punkaren nahasketa).

Potentzia eta energia ziurtaturik

http://www.pinkpuffers.com

FUNKY STYLE BRASS (Frantzia)

Kaleko musikak tradizio luzea du Frantziak, Toulouseko talde honek egiaztatzen duenez. “Mutil zoro koadrilatzat” aurkezten dute bere burua. Baliteke horrela izatea, baina sekulako ikuskizuna eskaintzen dute zuzenean.

www.funkystylebrass.com

THE HOT WOK (Vitoria-Gasteiz)

Proposamen hau hainbat jazz jaialditara eraman duten lau musikari bikain. The Hot Wok sonoritate sinesgaitzak lortzen ditu haize eta perkusio tresnak erabiliz. Erritmo dantzagarriz betetako lehen diskoa kaleratu dute,  ‘Electro Funky Jazz Brass’.

 www.myspace.com/thehotwok

A MAGNIFIQUE BANDE DOS HOMES SEN MEDO (Galicia)

Musika eta umorea neurri berean. Galiziako talde lotsagabe honen proposamenak brass-band klasikoen egitura du oinarri; hortik abiatuta, sinpatia erabiltzen dute entzuleak bereganatzeko. Entzuteko…eta ikusteko.

www.amagnifiquebande.ne

ZASTAVA ORKESTAR (Italia)

Espiritu nomada Balkanetako soinuen eragin nabarmena duen taldean. 1999an NATOren bonbardatzeek Belgradon suntsitu zuten auto-fabrika batetik hartu zuen izena. Maisu-maistrak dira entzuleak poltsikoan sartzeko orduan.

www.zastavaorkestar.com

VODKU BAND (Hungría)

Klezner esentzia hutsa. Gerra arteko aldian judutarren jaiak girotzen zituen musika berreskuratu du soka-instrumentuak, metalak eta perkusioa erabiltzen dituen talde honek. Musikari birtuosoak dira, Europa Erdialdeko escolaren ordezkari bikainak dira eta.

ww.vodku.hu

BEAT’N BLOW (Alemania)

Funk-etik hip hoperaino heltzen diren eraginen nahasketa eklektikoa. Perkusioak, metalak eta ahotsa (ezohiko osagaia mota honetako taldeetan), estiloen mugak gainditzen dituen talde baten zerbitzura.

COTTAS CLUB (Portugal)

Marching band-en espiritu klasikoa, New Orleanseko Dixieland. Genero horretako nazioarteko jaialdi nagusietan parte hartu du talde honek.

http://www.cottasclub.com