Izen berriak gehitu zaizkio zerrendari, hala nola Kelly Lee Owens, WOS, Romy eta Nilüfer Yanya, baita Estatuko ordezkariak ere, hala nola Rigoberta Bandini, Alizzz eta Cariño.

Bilbao BBK Live indarberrituta dator berriro impasse luze honen ondoren, emozioz gainezka Kobetamendin uztailaren 7an, 8an eta 9an berriz elkar ikusiko dugulako. 2022. urte honetan sekula baino indartsuago gatoz, bi urte luze hauetan jasotako animomezuei esker eta jaialdiaren hamabosgarren edizioa, hasi baino lehen ere, legenda bihurtuko delako ziurtasunarekin. Bilbao BBK Live 2022ko kartelean mundu osoko 100 artista baino gehiago bildu ditugu: izar ospetsuekin hasi, eta gorabidean doazen promesekin bukatu, jaialdiaren bereizgarri den aniztasun artistikoa finkatuz.

Bilbao BBK Live jaialdiaren kartela itxi dugu gaur eta atzerako kontaketa aktibatu dugu. 100 egun baino ez dira falta Kobetamendin berriro ere elkartzeko. Eta une honetaz gozatzeko, izen berriak iragarriko ditugu. The xx taldearen heren bat den Romy, platerekin, Nilüfer Yanya londrestar malenkoniatsua eta Kelly Lee Owens galestarraren pop ahostunak sortzen duen ambient giroa, elektronikaren munduko Daniel Avery edo James Greenwood handien eraginpean. Jaialdiko kartela osatzen duten artisten jatorrien bitartez mundu osoan barrena egin dezakegu bidaia eta, oraingoan, Estatu Batuak ere sartu dituguzerrendan, Snail Mail desamodioaren kantautoreak bigarren diskoa ekarriko baitigu besapean; Argentinatik, berriz, SIMONAren collage unibertsoa eta WOS freestyler-a ere etorriko dira, mezu politikoz betetako hit-ekin.

Horietaz gain, ezin ditugu ahaztu Estatuko izen handiak. Rigoberta Bandinik energiaz beteko du Kobetamendi, bere ereserki askatzaile eta letra borrokalariekin; Alizzzek disko berria aurkeztuko du interprete moduan hasi duen bide berrian; Cariño hirukoaren tontipop-a ere izango dugu Bilbon; baita Mujeres taldearen jai-giroko emanaldi ludikoa ere. Zerrendarekin jarraitzeko, SIMONAren collage unibertsoa aipatu behar dugu, Erik Uranoren neo rap-a, WOS, Yawners, Shego, Venturi, Axolotes Mexicanos, L-R eta Depresión Sonoraren doinuak ere.

Jaialdiarenegun bakoitzak amaiera bikaina izango du, hainbat kolektibo arituko baitira plateretan: Topanga Kiddo, Brava eta Alvva izango dira dantza-pistaren jaun eta jabe lehenengo egunean; Chico Blanco, 8kitoo eta  b2bbs artisten Mareo festa eklektikoarekin biribilduko dugu bigarren eguna; eta CHICA GANGi egokitu zaio jaialdia ixtea. Bertako taldeen artean, Bulego azkoitiarrak eta Silitia taldearen elektroeuskalrocka dira berrikuntzak.

BILBAO BBK LIVE

2022ko uztailak 7, 8, 9

Kobetamendi, Bilbo

Sarrerak eta bonuak prezio berezian apirilaren 28ra arte, hemen: bilbaobbklive.com eta seetickets.com/es

#bilbaobbklive