Herritarren parte hartzea sustatzea da jaialdiaren helburuetako bat. Festa giroan murgildu eta antolatu diren jarduera ezberdinetan aktiboki parte hartzeko deia luzatzen du antolakuntzak. Hala azaldu zuten jaialdiko antolatzaileek irailaren 7an egindako egitarau osoaren aurkezpenean.

70 ekintzatik gora antolatu ditu jaialdiak irailaren 21etik 24ra Errenterian. Itsasontzi handi bat bailitzan, lau eguneko kultur lehorreratze handi bat irudikatuko du herria Itsas topaleku bilakatzen. Berarekin, munduko txoko ezberdinetako musikak, hizkuntzak, gastronomiak, jolasak eta bestelako kultur jarduerak ekarriko ditu. Lau egunez Errenteria kolorez eta doinuz beteko da, garai bateko itsas portuetan bezala etorrera bakoitzarekin herria goitik behera eraldatuz. 

http://atlantikaldia.errenteria.eus/izen-emateak/