Ezer ez delako amaitzen Loraldiak eta 5 ikastetxetako DBH/Batxilergoko ikasleek elkarlanean sortutako ikuskizuna da, memoria historikoa eta gaur egungo errealitatea lotuz, faxismoaren eta arrazakeriaren itzuleraz ohartarazteko.

1936ko gerraren ondorioz erbesteratutako haur euskaldunen istorioak eta gaurko gazteen galderak taula gainean elkartzen dira, antzerkia, musika eta mugimendua uztartzen dituen pieza garaikide batean.

Egilea: Iñigo Agirre. Joseba Sarrionaindiaren lanean oinarritua. Zuzendaria: Igor Martín de Vidales. Zuzendari laguntzailea: Jaime Valverde. Arduradun artistikoa: Oier Agirre. Arduradun pedagogikoa: Erika Uranga. Ekoizpena: Loraldia