BALAk 50 stand izango ditu, zeinetan bertako zein nazioarteko argitaletxeak, fanzineak eta artistak izango diren. Standetan kolektibo horien sormen berriak eta material anitzak eskainiko dira: pieza bakar ugari, liburu-dendetan eta bitartekari arruntetan zailtasunez lortzen direnak... Hori dena Bilboko lokal adierazgarri baten testuinguruan, Alde Zaharreko Calzados La Palma zapata-denda zaharrean; BALArako artistikoki prestatutako bi solairurekin.

Argitaratze grafikoen munduko hiru pertsona garrantzitsuren hitzaldiak hartuko ditu azokak. Ostiralean, espazioaren inaugurazioaren ostean, Enric Jardí (Bartzelona, 1964) diseinatzailea izango da gonbidatua. 2009an, Kataluniako Generalitataren Diseinu Sari Nazionala jaso zuen, eta zenbait sari profesional jaso du ere bai, besteak beste, Laus, ED Awards, D&AD... Ilustrazioak egin ditu Público egunkarirako, El Jueves aldizkariaren azala birdiseinatu zuen eta Chicago Reader eta Boston Phoenix egunkarien berrikuntzan parte hartu du. Hitzaldi hau emango du: Nola egiten da liburu bat gaur egun? Argitaratze-proiektu bati ekin aurretik zer hartu behar dugun kontuan azalduko digu. Papera, tamainak, ilustrazioak, testua, edizioa, egiletasuna, etab.

Larunbatean, Enrique Bordes (Madril, 1975) ikus-arteetako aditua eta arkitektoa izango dugu gurekin. Beatos, mecachis y percebes erakusketa berriaren komisarioa da, komikien milaka urte Espainiako Liburutegi Nazionalean, bertako materialekin. Gure etxera gai hau ekarriko du: Arkitektura komiki gisa.

Igandean Ana G. Lartitegi (Bilbao, 1961) irudigileak parte hartuko du BALAren programan. Ilustrazioaren Euskadi Saria jaso zuen 2015ean, eta honako hitzaldi hau emango digu: Hitzik gabeko liburu batetik geratzen dena.

Lantegiak ordaindu beharreko jarduera bakarrak izango dira. Abenduaren 14an, WERKER COLLECTIVE (Amsterdam) holandarrek workshop bat emango dute argitalpenak sortzeko prozesu kolektiboei buruz; Sabotaje. Zapata erresistentzia objektu izenekoa. Izen horren bidez, omenaldia egingo zaio azoka ospatuko den espazioari, zapata-denda ohiari. Izan ere, terminoaren jatorria sabot hitz frantsesa da, eskalapoi esan nahi duena. Eskalapoi-fabrika bateko langileek makinariari sabotajea egiten lehenak izan ziren, ugazabekin ados ez zeudela adierazteko.

Abenduaren 15ean bi lantegi egongo dira. Lehenik, NAGORE LEGARRETAK (Hernani) ontziekin argazkiak egiten irakatsiko digu, argazki-makina estenopeikoak sortuz. Eta, bigarrenik, SARCOFAGA (Bogota) kolonbiar kolektiboak gerrilla-serigrafia egiten irakatsiko digu eguzkitzailerik gabe.

Igandean, txikien txanda izango da. ARAN SANTAMARIA (Zumaia) pop-up teknikan espezializatutako artistak diorama landuko du 6 urtetik 12 urtera bitarteko haurrekin.

Horien jarduera paralelo gisa, doako kontzertu bat eskainiko du BALAk. Igandean, vermut saioa, Lazybone Ramblers taldearekin.

BALA está organizado por Banizu Nizuke y cuenta con el apoyo del Ayuntamiento de Bilbao y Gobierno Vasco.