16:00etatik 20:00etara, Gabriela Cendoya liburutegian izango da gerturatzen denaren jakinmina asetzeko prest, hala bere argazki-liburuei buruz, nola bere bildumari buruz (maiatzan museoari komodatuan utzi ziona). Gainera, museoari utzitako bildumaren inguruan sortu duen blogetik deialdia egin die zaleei argazki-liburuak ekartzeko (eurek sortuak edo besteenak) elkarrekin horiek inguruan hitz egiteko.

Gabriela Cendoyak San Telmo Museoarekin sinatutako komodatu-akordioaern arabera, museoak haren bildumako 1.400 argazki-liburu katalogatzeko eta ezagutzera emateko konpromisoa hartu zuen. Orain arte, 100 liburutik gora katalogatu ditu eta horiek denak kontsulta daitezke liburutegian, baita urriaren 14ko irekiera berezian ere, jakina.

Bestalde, 17:00etan Roger Guausek eta Juan Diego Valerak, Ca L'Isidret editorial independienteko kideek, editorialak argitaratu dituen azken argazki-liburuak aurkeztuko dituzte.

Programazio honen helburua da, batetik, Gabriel Cendoya Bergarecheren bilduma ezagutzera ematea, eta, bestetik, gaur egun dagoen produkzioa ezagutzea.