Dantzertiko ikasgeletatik irtengo diren profesionalek zentroak emango dituen bi tituluetako bat eramango dute besapean: 

goi mailako tituluduna dantzan edo arte dramatikoan. Aurretiko hautaketa prozesu gogorra gainditu ondoren, 40 ikaslek 

besterik ez dute aukera izango lau urte barru Euskadiko Arte Dramatiko eta Dantza Goi Mailako Eskolako lehen tituludunak 

izateko.


"Tituluak ematea erraza da, baina guk ez dugu hori bakarrik egin nahi. Goi mailako profesionalak sortu nahi ditugu, baina 

gure errealitatera egokituak. Ez dugu 'ballet nazionalik' sortu nahi, baina produkzio edo ikuskizun berriak sor daitezke", 

azaldu 

du Jesus Fernandez Ibañez Eusko Jaurlaritzako Hezkuntza Saileko ikastetxeen zuzendariak. Horretarako, zentroak 

elkarlanean jardungo du arte eszenikoen sektorearekin, besteak beste bertako profesionalek ikasgai berezituak irakats

diezazkieten ikasleei.


Guztion arten idatziko dute Dantzerti izenburuko istorioaren gidoia.