Guztia prest dago Euskadiko Arte Dramatiko eta Dantza Goi Mailako Eskolak (Dantzerti) bere hirugarren promozioko ikasleak har ditzan. 40 plaza berri egongo dira guztira hurrengo ikasturtean, 15 Arte Dramatiko atalekoak eta 25 Dantzakoak; hautagaiek apirilaren 24tik maiatzaren 26ra eman dezakete izena. Hil horren bukaeran argitaratuko dute behin betiko onartutakoen zerrenda eta ondoren ekainean zehar egingo diren sarbide-probak gainditu beharko dituzte, arteen euskal unibertsitateak formatuko dituen lehen goi mailako graduatuak izateko. Duela hiru urte, orrialde zuri erraldoia zen guztia, azaldu du Dantzertiko zuzendari Ekaitz Gonzalez Urretxuk. Haren esanetan, ikastegiaren lehen bi ikasturteak oso positiboak izan dira. Ildo horretan, Euskadiko Ikasleen Orkestrarekin (EIO) eta Arriaga Antzokia bezalako erakundeekin abian jarritako elkarlana nabarmendu du. Arrakala Maiatzean zehar ere, Arrakala zikloa hartuko du Dantzertik, besteak beste Joan Casas Fuster, Patxo Telleria, David Barbero eta  Dejabu Panpin Laborategiko arduradunak protagonista izango dituen ikastaro eta ikasgai magistral sorta. Bai zentroko ikasleek eta bai ikasleek parte har dezakete jarduera horietan; 11an, berriz, ate irekitako jardunaldia egingo dute.

http://www.dantzerti.eus/