Hau bezalako ikuskizunek agerian uzten dute generoen arteko mugak lausoak direla batzutan. Musikatik abiatuz, kabaret musikal eder hau sortu zuten Luca Frascak (pianoa, soinua eta ahotsa) eta Marina Sorinek (biolontxeloa), zuenekoetan Nacho Mastretta lagun dutela. Harribitxi txikia.

Beste garai eta leku batzuetara bidaiarazteko musika duen botere magikoa erakusten digu, beste behin, 'El Show de Dodo'-k, kasu honetan iragan mendeko 30. hamarkadako Berlingo kabaret batera. Nagusiek, haurrek eta baita antzerkizaleek ere gozatuko dute Marina Sorin (biolontxeloa) eta Luca Frasca (pianoa) argentinarrek, Ariel Rot bezalako musikarien ondoan urte asko lanean emandako bi musikarik, Nacho Mastretta (klarinetea eta akordeoia, besteak beste) eta Coque Santos (bateria) lagunekin batera sortutako ikuskizunaz.

Ezohiko musika-tresna konbinazioa erabiliz, laukotea garai hartako berezko soinuetatik abiatzen da (adibidez rag-timea) gaur egungo eraginetarako hurbiltzeko, musika eta clowna uztartuz aldi berean fantasiaz beteriko muntaia batean. "Musika da ikuskizuneko erregina, baina umore asko ere ziurtatzen dugu", azaldu du Sorinek.

Berezi bezain sailkaezina, 'El Show de Dodo' guztiz ikuskizun gomendagarria da zalantzarik gabe.