Marcos Coll-ek, Los Reyes del KO blues talde bikaineko harmonika-jotzaileak, Peter Crow (gitarra) eta Dick Vollbrecht (kontrabaxua) musikariak elkartu ditu hirukote bitxi honetan, 30 eta 40 hamarkadetako musikara hurbiltzeko erritmoz eta umorez beteriko formatuan.
Marcos Coll-en harmonika, honen adiskide Adrián Costa gitarra-jotzaileak sortutako Los Reyes del KO banda bikainarekin lotuta dago bluesaren zaleen gogamenean. Etengabe bidaiatzen eta ikasten diharduen musikari egonezin hau Europako gaur egungo harmonika-jotzailerik onenetakotzat jotzen dute.
Baina geldirik egon beharrean, lanean jarraitu du proiektu berrietan. Hauen artekoa dugu The Weedwackers, Peter Crow C. musikari alemaniarrak sortutako banda, era askotako sariak irabazi dituena, Alemaniako Kritikaren 2005eko Saria (Deutsche Schallplatten Kritik) —hango musika saririk garrantzitsuena— barne.
Dick Vollbrecht baxu-jotzaile trebearen ekarpenaz, taldea soinu akustikoan eta taldekideen kalitatean oinarritzen da ragtime eta boggie estiloetara hurbiltzeko. Musika beltzaren sustraietarantz antolatutako bidaia hau ezinbesteko hitzordua bilakatu da bluesaren zaleentzat.
Segur aski asko interesatuko zaizu...