Ahots sendo eta aldi berean leunaz hornitutako abeslaria, Suzette Moncrief-ek Manhattan-eko musika beltzeko klubetan jardun du bere ibilbidean zehar. Chicagoko blues maisu handien errepertorioa hurbilduko digu emanaldi honetan.

Suzette Moncrief blues eta rythm & blues klasikoaren maisuak entzuten hazi zen New York jaioterrian. Horrek eta abesteko zuen berezkotasunak benetako bluesaren arima gordetzen duten Manhattaneko klubetan abesteko aukera eman zioten, lehengo korista moduan eta bere taldearen buru geroago.

Artista honen ahotsak bere zainetatik doan bluesaren intentsitatea transmititzen du, Estatu Batuetan kantu irakasle izatea ahalbidetu zion ahots-teknika bikainak leunduta. Europara etorrita, Nico Wayne Toussaint abeslari eta harmonika-jotzaile frantziarra ezagutu zuen, kontinente zaharreko bluesman onenetako bat hain zuzen ere; biek elkarrekin jardungo dute musika beltzaren zaleentzat ezinbesteko hitzordu den kontzertu-biran.