Nazioarteko 16 konpainiak parte hartuko dute Bilboko Nazioarteko Txotxongilo Jaialdiaren 30. edizioan. Aukera aparta mendeetan zehar zibilizazio guztietan izan den eta XXI. mendean indar betean jarraitzen duen arte baten adierazlerik nagusienetako batzuez gozatzeko.

Koreatik Iranera, handik Kubara Japoniatik eta Suitzatik pasatuz eta etxera buelta Mexikotik zehar. Bilboko Nazioarteko Txotxongilo Jaialdiaren arduradunek munduko bazterrak arakatu dituzte arte eszenikoen espezialitaterik ezezagunenetako batera hurbiltzeko aukera ematen digun jaialdi honetako partehartzaileak hautatzeko. “Edizioaren hogeita amargaren urteurrenak agerian uzten du txotxongiloa ez dela haurrei soilik zuzendutako antzerti-genero txikia”, azpimarratu du jaialdiaren zuzendari Concha de la Casa-k.

Hala, haurrei eskainitako konpainia ugariren ordezkaritza zabalarekin batrera, jaialdiak Ilaramitsu Ilanya bezalako artistak bildu ditu, zenbaitetan erroboten antza duten karakuri ningyou izeneko panpin makanizatuen teknika japoniarrean espezializatutako maisua. Egun hauetan zehar Bilbon bilduko den txotxongilo munduaren biztanleetako bat besterik ez da izango.