“Hau euskal musika klasikoa da”. Azaldu zion kronista honi alboko eserlekuko ikusleak (ez dut pekatariaren izena esango). Une horretan, Ruper Ordorika lehenengoz ikusteko aukera izan nuenekoa etorri zitzaidan gogora; ‘Ni ez naiz Noruegako Errege’ (Elkar, 1983) bigarren Lp-a kaleratu eta gutxira. Aurrenerabe bizargabe hark Pott Bandaren sortzaileari eta bere orduko ‘Mugalari’-ei begiratzen zien, miopiarako bere lehen betaurreko estreinatu berriekin. “Hau abangoardiako euskal musika da”, argitu zion beterano batek (ez dut pekatariaren izena gogoratzen), alboko mutikoaren despiste aurpegiaz oharturik.