The Jim Jones Revue-k ‘The savage heart’ dakarkigu, taldearen laugarren lana (‘Here to save your soul’ single-bilduma gogoan hartzen baldin badugu). Izenburua bat dator kantarien izaerarekin, izan ere, 2007an hasi zirenez geroztik, egungo rock and roll domestikatuan horrenbeste goresten den osagai basatia mantentzen eta igorten baitute. Joera hori erabateko jarreraz hausten dute, pianoari protagonismo handia emanez, eta honek, generoan aitzindari izan ziren Little Richard eta Jerry Lee Lewis-en jardun sutsuarekin lotzen du haien proposamena.

Ez da inondik ere ideia ona, rock and rock bizi-biziko emanaldi indartsu, izerditsu eta trinko hau galtzea, publikoari espasmo zoriontsuak eragin eta hezurrak aterarazteko aukera paregabea, Londresko talde honek erabili ohi duen erritmo zoroari jarraitzekotan. Ahotsean eta gitarran, Jim Jones dugu taldeko burua, ikusleei aurrez aurre eta “kontuak garbitzeko ordua” dela azalduz begiratzen dien frontmana.