Teatro-izaerak eta samurtasunak erdi bana osatzen dute Nats Nus konpainia katalanak sortutako antzezlan honen esentzia. Osagai horiek erabiliz, mugimenduaren bidez kontatutako maitasun istorioa aurkezten du.
Antzerkiaren eta dantzaren arteko erdibidean, clownaren eta komediaren artean. Nats Nus konpainia katalanaren ‘En attendat L’Inattendu’ ikuskizunak lengoaia horiek guztiak elkartzen ditu, Toni Mira eta Claire Ducreux dantzariak protagonista dituen istorio batean. Maitasuna da muntaiaren abiapuntua, eta samurtasuna eta umorea bere osagaiak. ‘Poesia isila’ deritzote eurek.
Bi protagonistak esparru desberdinetatik datoz (Claire clown-etik eta Mira dantza garaikidetik) eta bien arteko topaketak aberastu egin du ikuskizuna. “Bakoitzak normalean antzezten duen pertsonaia bat ekarri du. Haien arteko maitasun istorioa da, baina baita dantza ulertzeko bi modu desberdinen artekoa ere”, azaldu du Nats Nus konpainiaren arima den Mira dantzariak.
“Oso ikuskizun poetikoa da. Ez hiztegiak adierazten duen esanahian, baizik eta iradokitzen duen guztiagatik, nork bere interpretazioak ateratzeko bide ematen du eta”, gehitu du aktoreak.
Idatzi gabeko poesia, bai dantzaren zaleei eta baita ez direnei ere gustatuko zaiena.
Segur aski asko interesatuko zaizu...
