'Loie Fuller: Research' jolasean dabil etengabe eraldatzen diren formak eta egoerak antolatzen. Ikusleen aurrean zabaltzen den ariketa-segida bat da, eskultorikoa (soinekoa) eta hura zizelkatzen duen pertsona harremanetan jartzen dituena. Ez du gauzekiko harreman fisikoa indartu nahi; harreman hori ikusgarri bihurtzen duten formak bideratu nahi ditu ordea. Forma jasotzen duen materiaren mugimendua estimulatzeko gorputz-praktika bat da, giza gorputzaren eta objektuaren arteko harremanaren emaitza gisa azaleratzen den mugimendua: "soineko dantzaria".

Ola Maciejewska koreografoa da; Polonian jaio zen eta Parisen bizi da. 2012an Utrechteko Unibertsitateko Antzerki Garaikide eta Dantzako masterra eskuratu zuen. Zenbait ikerketa akademiko egiteaz gain, Maciejewskak hauek egin ditu: 'Loie Fuller: Research' (2011) pieza, Frantzian –2017ko udazkenean Lyongo Biurtekoan–, Suitzan, Kanadan, Polonian, Holandan edo Portugalen aurkeztua, eta 'Bombyx Mory' (2015), Pariseko Les Inaccoutumés Jaialdiaren barruan La Menagerie de Verre-n estreinatua eta, besteak beste, Bruselako Kaaitheatre, Oportoko Museo Serralves, Vienako ImPulsTanz eta Bartzelonako Mercat de les Flors espazioetan eta testuinguruetan gauzatua. 2016tik 2018ra, Maciejewska Normandiako Caengo Zentro Koreografiko Nazionalari (Frantzia) lotutako artista izan da. 'Dance Concert' izeneko haren lan berria Taiwango Taichung Teatro Nazionalean estreinatu da, eta 2018ko udazkenean Parisko Pompidou Zentroan erakutsiko da, Udazkeneko Jaialdiaren barruan.

Fitxa artistikoa
Sorkuntza : Ola Maciejewska
Kolaborazio artistikoa: Judith Schoneveld
Enkargupean​: TENT Rotterdam (NL)
Zeebelt Theatre (NL) -ren babesarekin.
Premiere: TENT, Rotterdam (NL), 2011
Iraupena :  40 min