Ahots-armonia bikainak eta tresna tradizionalak jotzeko trebezia ditu bereizgarritzat Kaliforniako talde honek; zuzen-zuenean edaten du Ipar Amerikako musikaren iturrietatik, bluesa, soula, gospela eta jazza.

Oaklandeko (California) metro geltokietan jaio ziren talde gisa, bluesa, soula eta gospela jotzen New Orleanseko erara. Bost urte geroago, energiaz beteriko berezko soinua sortu dute, bereziki zuzenean funtzionatzen duen tradizioaren eta berrikuntzaren arteko nahasketa, hortxe azaltzen baitira ondoren talde honen bertuteak.

Beharbada taldearen originaltasuna bere kideen jatorri-aniztasunetik dator. Adibidez, Lech Wierzynski abeslaria Polonian jaio zen nahiz eta Estatu Batuetan hazia izan. Berarekin batera, Johnny Bones-ek (saxofoia), Ben Malament-ek (bateria), Doug Stuart-ek (baxua) eta Charles Hickox-ek (teklatuak) osatzen dute taldearen oinarri musikala. Elkarrekin grabatu ditzute California Honeydrops-ek orain arte argitaratu dituen bi albumak, ‘Soul Tub! (kubo eta soka batez etxean egindako kontrabaxu antzekoa, taldeak oraindik zuzenekoetan erabiltzen duena) eta ‘Spreadin’ Honey’.

Osagai horiekin guztiekin , California Honey drops perla txiki eta freskagarria da amerikar sustraiko musikaren munduan.