Hasier Oleaga bateria-jotzailea bere belaunaldiko musikaririk onenetako bat da. Cantus Caterva du izenburu bere bakarkako lehen proiektuak; eta aurrera eramateko talde aparta du eszenatokian: Iñaki Salvador (pianoa), Mikel Andueza et a Julen Izarra(saxoa), eta Jon Piris (kontrabaxua). Benetako luxua.

'Cantus Caterva' du izenburu Hasier Oleaga (Bilbo, 1979) bateria-jotzaileak bultzatutako lehen proiektu pertsonalak, Euskal Herrian dugun musikaririk interesgarrienetako bat (eta ez jazz arloan soilik). Sarri ikusi dugu Ruper Ordorika bezalako bakarlariekin musikari laguntzaile gisa, baina baita Nirvana taldeari gorazarre jazzistikoa egiten dion Nevermind Trio-ren ezohiko proposamenean parte hartuz.

 

Eklektizismo hori islatzen da lan honek barne hartzen dituen sonoritate anitzetan. "Gustuko dut aniztasun hori eta behar dut gainera. Hori guztia nire elikadura musikalean dago eta igartzen da nire musika idazten dudanean", dio musikariak.

 

Disko honetan irteera eman dio beti barnean eraman duen musikari. "Idazteko denbora izan dut eta bazen garaia argitara ateratzeko", azaldu du . Horretarako, berarekin konplizitate pertsonal eta musikala duten musikari-sorta aparta bildu du.

 

Emaitza erabat gomendagarria den koktela dugu, zuzenean dastatzeko aproposa den proposamena.