Bilbo Hiria Pop-Rock Lehiaketaren 24. edizioa ofizialki hasiko da Lemon Tree talde bilbotarraren kontzertuarekin, 2011ko ediziorako sailkatutako taldeetako bat. 40 talde lehiatuko dira bi hilabetez, musikazaleentzat ezinbesteko erreferentzia bihurtu den saria eskuratu nahian.

24 dagoeneko talentu berriak ezagutarazten. 1989. urtean Yo Soy Julio César ahaztezinek lehen edizioa irabazi zutenetik, ehunka taldek parte hartu dute bertan Bilbo Hiria Pop-Rock Lehiaketan; haien ahaleginari esker genero honetako lehiaketarik garrantzitsuenetako eta kodiziatuenetako bat bilakatu da bere burua ezagutarazteko tranpolin baten bila dabiltzan musikari gazteentzat.

Edizio hauetan guztietan zehar, lehiaketa hazi egin da bai estilo-aniztasunari eta bai hedabideetan duen oihartzunari dagokionez. Hala, aurten 597 taldek eman zuten izena parte hartzeko eta 40k besterik ez dute lehen hautaketa gainditu. Azken hauek jardungo dute irailaren 13tik urriaren 19a bitartean Bilborockeko eszenatokian.

Horien artean aukeratuko ditu epaimahiak Pop-Rock eta Metal kategorietako lehen hiru sailkatuak, joera berriei eskainitako sari bereziarekin batera.