Donostiako azken Jazzaldiko eszenatoki berdean agertu ondoren, Cut Copy-ren bira Euskadira itzuliko da Bilbon, Heineken Music Selector zikloaren barruan egingo duen emanaldiarekin. Australiarrek dantzan jarriko dituzte, pop melodia eta erritmo sintetikoen arteko fusioa entzutera inguratzen direnak.
Dance taupadak, synthpop eta 80ko oihartzunak biltzen dituen errepertorioaz hiru album landu ditu, duela hamar urte Dan Whitford (ahotsa, gitarra eta teklatuak) diseinatzaile grafiko eta DJaren ekimenez eratu zen Melbourneko talde honek, betiere ohiko formulen errepikapena gainditu eta berrikuntzen aldeko esperimentazioa bultzatzeko asmoz. 
Ikerketaren aldeko ahalegin hori are begibistakoagoa egin da 2011ko otsailean salgai jarri zuten ‘Zonoscope’ izeneko hirugarren albumean, Tsunehisa Kimura japoniarraren azal apokaliptikoa tarteko, aurreko lanen oldarra motelduz. Doinu-uholdeak hiri-paisaia astintzen du, RZA, Wu-Tang Clan eta Brian Enori aitortu dioten mirespenaren indar berberaz.