Jazz-aren dama handien ondorengoa, Stacey Kent-ek hamar urte pasa daramatza entzuleak liluratzen bere ahots gozoaz eta abestiei ematen dien erromantizismoaz. Disko berria aurkeztuko du, 'Dreamer in concert'.

Stacey Kent musika-tradizio anitzetako onena bat egin duen jazz abeslaria, anglosaxoitik frantziarreraino, soinu brasildarretatik igaroz. Eta bere ahotsaren gozotasunaz entzuleak liluratzen dituenean besteko naturaltasunez egin du hori.

Estatu Batuetako New Jersey estatuan jaioa, hogeitaka urte zituela Londresera joan zen ikasle gisa. Han ezagutu zuen gerora senartzat hartuko zuen gizona, Jim Tomlinson saxu-jotzailea; aldi berean, han hasi zen abesten Erresuma Batuko hiriburuko klubik entzutetsuenetako batean. Gaur egungo jazz abeslaririk onenetako baten ibilbidearen hasiera besterik ez zen izan hura.

‘Close your eyes’ (1997) izan zen Stacey Kent-en lehen diskoa. Geroztik sari ugari jaso ditu, tartean 2009an ‘Raconte Moi’ diskoa kaleratu ondoren irabazitako Frantziako Arte eta Letrena. Hain zuzen ere, Parisen grabatu zuen 2011. urtearen bukaeran aurkeztuko duen ‘Dreamer in concert’ album, abeslari bikain honen ibilbidea sintetizatzen duen lana.