Javi Alzolarekin batera, beste hiru euskal musikari bikainek parte hartzen dute proiektuan: Hasier Oleaga bateria-jotzaileak, Jon Piris kontrabaxu-jotzaileak eta Miguel Salvador gitarristak. Lau musikarion ekarpenez sortu da taldea.“Guztioi izugarri gustatzen zaigu musika eta jazza ‘europar erara’ ulertzen dugu”, dio Alzolak.

Kontzeptu hori abiapuntu hartuta, taldeko lau kideek idatzitako piezak aurkeztuko ditu Javi Alzola Quartet-ek. “Jendeak zerbait desberdina entzungo du”, azaldu du Alzolak, “musika jotzeko beste kontzeptu bat izango da”,

Baina, nola eramaten da klub txikietan jotzean milaka lagunen aurrean jotzen ibili ondoren? Itxura denez, ezin hobeto. “Hurbiltasun hori oso gozoa da”, dio musikariak, “klubetan sarritan estadioetan baino gehiago gozatzen da”. Eta beste horrenbeste gertatzen zaie entzuleei.