Javier Colinak (kontrabaxua), Perico Sambeatek (saxoa) eta Marc Miraltak (bateria) bat egin dute jazz birtuosoen hirukote honetan. Aukera aparta jazzaren lengoaian flamenkoarenak eta latinarenak bezalako soinuak integratu dituzten hiru maisuren musikaz gozatzeko. Benetako gozamen musikala.

Marc Miralta, Javier Colina eta Perico Sambeat proiektu musikal honetan elkartzea oso albiste ona izan zen musikazaleontzat. Hala izaten da beti hiru musikari bikain (Espainiako jazz musikaririk onenetakoak) batera ikustea. Baina are gehiago da kasu honetan hiru musikariok jazzaren eta flamenkoa edo musika latindarra bezalako soinuen arteko uztarketan sakontzeko erakutsi dituzten grina eta ahalmenagatik.

 

 

 

Hirukoteak bi album argitaratu ditu orain arte, 'CMS Trio' (Contrabaix, 2007) eta 'Andando' (Universal). Bigarren honetan, aurrekoan hasitako bidean sakondu dute Coinak, Miraltak eta Sambeatek, batere mizkeriarik gabe hurbilduz besteak beste boogaloora eta Afrikako soinuetara.

 

CMS Trio-ren emanaldia erabat gomendagarria ez soilik jazz-aren jarraitzaileentzat, baizik eta hiru erraldoi hauen pareko aurreiritziri musikalik eza duten zale guztientzat.