Mende erdiko jardunaren ondoren, Jefferson Airplane eta Hot Tuna-ren sortzailea blues kantari handia bilakatu da. Gitarrajole estatubatuarrak harantzago doan biografia musikal luzea du, 60en hasieran abiatu zena, San Franciscon Janis Joplin-ekin batera jotzen zuenean.
Jorma Kaukonen 21 urteko besterik ez zen San Frantziskora joan zenean. Han bakarkako kontzertuak eskaintzen zituen eta Janis Joplin gazteari laguntzen ere ikusi zuten. Gehienentzat, Texaseko hurkanaren alboan jotzea bere ibilbidearen puntu gorena izango zen, baina ez zen horrelako gertatu laster Jefferson Airplanen sartu eta geroago Hot Tuna taldea sortuko zuen gitarrista eta abeslari estatubatuar honentzat.
Musikari gisa zuen trebezia bi talde horien lanetan geratu zen agerian, 1974. urtean 'Quah' izenburuko lehen diskoa argitaratu zuen arte. Lau hamarkada geroago, bere diskografiak beste 14 disko biltzen ditu eta berak 60ko hamarkadako soinu azido eta lisergikoaren adierazletzat aurkezten du bere burua; blues, folk eta rock estiloetan zaildutako mitoa. Bere lanik berrienean, 'River of time' izenekoa, Barry Mitterhoff Hot tuna taldeko kide ohia du lagun, izan ere proiektu horrekin ere jarraitzen du bai formatu elektrikoan eta bai akustikoan. Ez daki geldirik egoten.
Segur aski asko interesatuko zaizu...