Impecable técnica y alma latina

MUSIKA

Testua: Igor Cubillo

GONZALO RUBALCABA

Teknika bikaina eta arima latinoa

2014-01-27

Bi Grammy Latinoren irabazle eta latin jazzaren erakusgarria, kubatar pianista honek salsa gisako genero beroak ere jorratu ditu. Orquesta Aragon eta Proyecto taldearekin aritu ondoren, bakarkako ibilbideari ekin zion 1987an. 'XXI Century' du diskorik berriena.

Latin jazz eszenan aski ezaguna da maiatzean 50 urte bete zituen pianista kubatarra. Miresmena eta begirunea bereganatu zituen berehala, formakuntza klasikoaz osatutako teknika bikainari esker; izan ere, Charlie Haden kontrabaxu-jotzailea eta Dizzy Gillespie tronpeta-jotzailea izan zituen aholkulari. Beraz, ez da harritzekoa azken 12 urteotan Grammy Latinoetarako zortzi izendapen jaso izan, horietatik bi irabazi dituela.

Orquesta Aragón eta Proyecto taldea bezalako taldeekin lan egin ondoren, 1987an ekin zion bakarkako ibilbideari, 'Mi gran pasión' diskoarekin. Geroztik beste 25 album grabatu ditu (gehienak EMI eta Blue Noterekin), horietako hiru Joe Lovano, Charlie Haden eta Michael Breckerrekin batera. Halaber, Pancho Cespedes eta Al Di Meola bezalako artista desberdinen lanetan parte hartu du. 'XXI Century' du diskorik berriena, berak sortutako 5 Passion zigiluarekin grabatua.

Segur aski asko interesatuko zaizu...

EGO (EUSKAL HERRIKO GAZTE ORKESTRA)

Udako topaketa eta Musika Hamabostaldiko kontzertu historikoa eskaini ondoren, udazke... (gehiago irakurri)

VITORIA-GASTEIZ HONDARRIBIA DONOSTIA-SAN...

INKESTAS ROCK FESTIBAL 2025

INKESTAS ROCK

Inkestas Rock Festival 2025 irailaren 12an eta 13an egingo dute Larrabasterrako Urgitxieta plazan, Sopelan (Bizkaia). Aurtengo kartelean Whiskey Monster, Holy Rippers, Alkupera, Raging ... (gehiago irakurri)