Bizitza, maitasuna eta heriotza dira, 2005ean amerikar korronteari atxikita sortutako banda estatubatuar hau lideratzen duen Ward Hayden kantariaren narrazio-iturri nagusiak. Laugarren lana dakarkigu, 'Sweet nothings', roots-rockez eta countryz betetako albuma.

KMON SESSION saioak oso eskaintza interesgarriarekin heldu dira Bilbora: Girls Guns & Glory taldeak Euskadin emango duen lehen kontzertua, country rock eta roots rock bikaina egiten duen Bostoneko taldea hain zuzen ere. Erreferentzia horiek, errepideari dion atxikimendua eta bere rock & roll espiritua kontutan hartuta,  amerikarraren mugimenduan sailkatu zuten berehala, ia Ward Hayden abeslari, konpositore eta gitarristak 2005ean taldea sortu zuen unetik beretik.

Laster grabaketa estudioan sartu zen. Eta  2006tik 2008ra hiru album argitaratu baitzituen  ('Fireworks & alcohol', 'Pretty little wrecking ball' eta 'Inverted Valentine'), konnotazio poetikoz beteriko lanak, amodio galduz eta itxaropen kantuz josiak. Laugarrenak 'Sweet nothings' du izenburu, Chris Isaak eta Dwight Yoakam bezalako artisten eragina duen lana, bertan honky tonk music eta Sarah Borges abeslariaren ahotsa entzuten dela. Benetako mauka horrelako errepertorio bat entzuteko.