Saxofoi-jotzaile estatubatuarraren zerbitzu-orria sariz, lankidetzaz eta bakarka grabatutako diskoez beteta dago (20 diskotik gora Blue Note eta Verve gisako zigiluekin). Jazzaren arauak hausten ohituta dagoen aitzindari hau bere laukotearen konpainian etorriko zaigu.
Getxoko Nazioarteko 36. Jazz Jaialdiaren erdialdean azalduko da aurtengo izar nagusia: Wayne Shorter (1933, New Jersey). Azken bost hamarkadetan artista berritzailearen ikurra eraman duen musikagile eta saxojole estatubatuarra Danilo Perez pianojolea, John Patitucci baxujolea eta Jorge Rossy bateriajolea biltzen dituen laukotearen konpainian taularatuko da.
Elkarrekin, 50etatik hona, Shorter Manhattan-eko jazz-klubetara joaten zenez geroztik mamitutako karreraren esentzia berreskuratuko dute. Bere kalitate aparta eta izen onari esker, Miles Davis, John Coltrane eta Sonny Rollins gisako mitoekin taularatu, Joe Zawinul-ekin Weather Report jazz-fusioko taldea osatu eta Art Blakey-ren Jazz Messengers legendarioen zuzendari artistikoa bihurtzeko aukera izan du. Sarietan, orain arte irabazi dituen sei Grammyak nabarmendu behar dira, baina bere arrakastarik handiena, musika munduan utzi duen lorratz sakona izan da, horixe baita benetan mito bilakatu duena.
Segur aski asko interesatuko zaizu...
