Ecolunar handiusterik gabeko erakusleiho independentea izateko asmoz sortua da. Faraoien neurriko beste topaketa batzuen aldean, jaialdi honek ikuspegi eta soinuaren kalitatearen alde apustu egin du, lehen edizioan parte hartuko duten pop-rock giroko artisten (Dorian, Delafé y las Flores Azules, Miss Cafeína eta Belako) eta ikusleen arteko hurbiltasunean oinarrituta.

Dantza egiteko aukera bi talde katalanek emango dute nagusiki: Dorian, pop dantzagarri eta sintetikoaren eredu, La velocidad del vacío deritzon laugarren lana aldean dakarrela; eta Delafé y las Flores Azules (Oscar D'Aniello eta Helena Miquel), duela 11 urte Bartzelonan sortu eta lau grabaziotan pop sustratua eta testu sasirrapeatuak bateratu dituen proiektua.

Bestalde, pop-rock trinko sentikorra lantzen duen Miss Cafeína boskote madrildarrak Polvo y flores delako bigarren albuma errepasatuko du. Bertako taldeen izenean, Euskadiko 2012ko errebelazioa izan den Belako taldeko teenagerren post-punk musika taularatuko da.