Bere filosofiari leial, Dantzaz konpainiak etorkizun handiko dantzari gazteekin lanean jarraitzen du, nazioarteko sortzaile handien koreografiak dantzatzeko aukera emanez, kasu honetan Itzik Galili (Israel) eta Lukas Timula (Eslovakia).

Dantzaz Konpainiaz hitz egitea gaztetasunaz hitz egitea da. Baina gaztetasunak ez du profesionaltasuna ukatzen. Gaztetasunak indarra dakar, gogoa. Dantzaz konpainiaz hitz egitea aukeraz hitz egitea da. Dantzari hasiberrientzako tranpolin garrantzitsua da, izen handiko koreografoekin lan egiteko aukera baitute.

 

Oraingo honetan, Arte-an ikuskizunarekin datoz geurera. Hiru atalez osatutako lana da. Hasteko, Itzik Galili koreografo israeldarraren 'Lur Sagar' koreografia berreskuratu dute, orain dela urte batzuk interpretatu izandakoa. Beste bi atalak espreski konpainiarentzat sortutakoak dira: Lukas Timulak eslobakiarraren  'A place between' eta Galili beraren 'Flash deluxe'. 

 

Hasiera eta bukaerako pieza indartsu eta energia handikoak erdiko sorkuntza lasai eta poetikoarekin kontrajarrita lortzen du ikuskizunak benetako oreka. Filgie Claverie zuzendariaren hitzetan,  hiru piezen batuketak emaitza osotu eta borobila ematen du, edonork gozatzeko modukoa: “Dantza publikoari oparitzen zaion emozioa da”.