Maiatzaren 21ean, Elkarrizketarako eta Garapenerako Kultura Aniztasunaren Mundu Eguna, agerian agerian uzten dira planetako kulturen jakintzak, ohiturak, sinesmenak eta hizkuntzak, etengabe aldatzen eta eraldatzen ari diren berrikuntza eta sorkuntza iturriak baitira horiek guztiak.

Bestea berdintasunik onartzen denean, loturak identifikatuz eta desberdintasunak errespetatuz, ezagutzak eta abileziak gehitzen dira, norberaren nortasuna indartu eta hobeki ulertzen dira besteenak, gatazkak konpondu eta sareak sortzen dira, elkarrizketarako, elkarlanerako, eta ideiak ondasunak eta kultura zerbitzuak trukatzeko sareak.

Baliabide naturalak, ingurumenarekin eta energiarekin batera, ezinbestekoak dira hazkunde ekononomikorako, sozialerako eta gizakion garapenerako. Hortaz, hil hala bizikoa da kulturan, ondarean eta industria sortzaileetan inbertituko duten politika publikoak abian jartzea, haien balio erantsia aintzat hartuz eta adierazpenari, parte-hartzeari, sorkuntzari eta zabalkundeari lotutako kultura eskubideak errespetatuz aldi berean.

Emaitzarik onenak dituzten garapenerako estrategiak tokian tokiko testuinguruak, haien baliabideen potentzialtasuna eta gizabanakoak eta komunitateak gehien errespetatzen dutenak dira, hau da, lurraldeetako kultura aniztasuna eta biologikoa gehien errespetatzen dituztenak. Kultura aniztasuna errespetatzea eta haren adierazpenak sustatzea ezinbestekoa dagizarte aberats eta bidezkoagoak sortzeko.