Coronas, Espainiako surf musikako bandarik onena da, Sex Museumi lotutakoa; eta Valladolideko Arizona Babyk western hitza berreskurarazi die kritikariei. Bien arteko baturatik sortua da Corizonas taldea. Debuteko diskoa, ‘The news today’, rocka, folka eta countrya batzeko grina partekatuaren emaitza da.

                                                                                                                                                                                                                              Sex Museumeko jendea (Madrilgo garaje eta hard rock soinuen aitzindari izan zen taldea) barne hartzen duten proiektu guztiei halako kalitate-marka bat aurresuposatzen zaie. Eta halaxe gertatzen da 'The news today'-rekin, Corizonasen estreineko diskoa. 'Dos bandas y un destino' bira elkarrekin egin ondoren, urrats bat aurrerago eraman dute beraien arteko adiskidetasuna western estetikari eusten dion talde jendetsu honetan bat eginez; beste batzuen musika soilik jotzeaz gain, beraiek sortutako abestien aldeko apustua egin dute bide batez.

Dozena bat abestik osatzen du rocka, folka eta country doinuak biltzen dituen estreinako albuma, bekatu eta erredentzio metaforaz zipriztindua. Kritikariek Calexico bezalako artistekiko lotura somatu dute konposizio horietan. 

Ondorioa da Arizonaren eragina nabarmenagoa dela lan honetan Fernando Pardoren eta David Kraheren Los Coronas taldearena baino (hortik dator Sex Museumekiko lotura), eta hauek, aldiz, apenas azal dezaketela zein ederki menderatzen duten surf instrumentala. "