The New Raemon-ek ekoitzi du 'Escapar con el anticiclon', Bartzelonako talde sailkaezin eta parodiko honen diskorik ulerterrazena; 2003. urtetik filiak eta harridurak sorrarazi ditu indie lubakitik. Ezinezko izenburuz, xilofonoz, teklatuz, biolinez eta histrionismoz beterik dator haren hirugarren lana.

Manos de Toporen abentura pasadizo hutsa izan zitekeen, Bartzelonako musikari batzuen broma alegia, baina bola handituz joan da orain arte kaleratu dituzten hiru albumen eskutik, eta talde honen kideak inbidiatzeko moduko bitxikeria bilakatu dira undergroundaren unibertsoan, betiere ohiko arauetatik ateratzen den guztiaren mesedetan. Laukote burlari honen ordua iritsi da. Bere grabazioak eta taularatzeko moduak bihotz urratuen eta kantu erromantiko arinen omenezko oroigarri parodikoa dira, bikote barruko ikamikei eta kremailerekin eta bakeak egitearekin  haserretuta dauden maitaleei falsetto errukigarrian eskainitako kantua. 

‘Escapar del anticiclón’ dakarkigute, The New Raemon-ek sinatutako tentsio sentimental handiko produkzioa, zaratari eta bestelako probokazioei ihes egiten ez diena, ez alderdi sentimentalean ezta oraingoan indarra irabazi duen alderdi instrumentalean ere. Musika hastean, taula gainean ageri dira kexak, oroitzapen gaiztoak, erresuminak eta sakon sartzeko aukera ematen dien umorea.