Musika eta dantza lengoaia unibertsalak dira. Bi munduok bat egin dute ‘Nora’-n, Mikel Urdangarin kantautoreak eta Gasteizko Traspasos Dantza konpainiak sortutako ikuskizun ederra. 

Urdangarinen ‘Panderuaren gizona’ abestia izan zen muntaiaren hazia. Dantzariek kantu horretan oinarritutako koreografia sortzea erabaki zuten eta emaitza ikusita lanari ekin zioten errepertorio osoa dantzaz jantzi arte. Emaitza abestien emozioa (musikarena zein hitzena) mugimendu bihurtzen duen esperientzia eszenikoa da.