Lightnin`Guy belgikarra blues musikari bikaina da. Bere taldea, Mighty Gators izenekoa, zuzeneko jardunean hazten den groove-a sortzeko makina da. Blued-rock klasikoa entzuteko gau aukera aparta.
Belgikak ez du Chicagoren antzik, baina handik dator Europako jazz eszenan indartsu sartu den musikari bat. 1976. urtean Guy Verlinde izenarekin jaioa Brujasetik hurbil dagoen herrixka batean, Lightnin’ Guy abeslari eta gitarristak sustrai beltzeko musika interpretatzeko berezko estiloa sortzea lortu du oso urte gutxiren tartean. Eszenatokian erakusten dituen indarra eta intentsitatea dira musikari moduan erabiltzen duen goitizenaren arrazoia.
Lightnin`Guy-ren estreinako diskoa 2008an heldu zen, ‘Live from the heart’ izenburupean. Lan horrek lehen akordetik bertatik azaltzen ditu bere egilearen kredentzialak: ‘slide-guitar’-a jotzeko maisutasuna eta batez ere bluesa interpretatzeko energia ikaragarria.
Mighty Gators taldeak lagunduta, Ligthnin`Guy-k Belgika eta Holandako mugak gainditu ditu dagoeneko (bi herrialde horietan ondo merezitako ospea du eta) kontinente zaharreko blues jaialdirik garrantzitsuenetako batzuetan parte hartzeko. Orain bere musikaz gozatzeko garaia dugu.
Segur aski asko interesatuko zaizu...