Sei urte aski izan dira Bilboko jaialdia estatu barruan nahiz nazioartean kontsolidatzeko. Last Tour International sustapen-enpresa bizkaitarrak eklektizismoaren alde apustu egin du programazioa osatzerakoan, eszena alternatiboko nahiz mainstreameko artista handiei eta mugimendu independenteko kide eraginkorrei leku eginez. Aurten ere, pop eta rock ugari izango da, baita soula, funka, folka, punka, musika mugakidea eta elektronika apur bat ere, hiru eszenatokitan berrogeita hamar emanaldi inguru biltzen dituen kartel handi eta trinkoan.

Hona hemen aurtengo erakargarri nagusiak: The Cure, estudioko bere 14 disko onenak errepasatuko dituena; Radiohead, Espainian 2012an egingo duen emanaldi bakarraz; Garbage, Shirley Manson eta Buch Vig-en taldea, azken zazpi urtetan egindako 'Not Your Kind Of People' lana aurkeztuko duena; eta Keane, gitarrarik gabeko talde britainiarra, ‘Strangeland’ delako bosgarren albuma dakarrena.