Eskema minimalista eta primitibo samarra nahikoa izan zaio Guadalupe Plata taldeari, bluesa eta boogiearen berrikuspen jostagarria lantzeko, giro underground eta rockeroa harrituta uzteko modukoa. Bere kantuek ondo neurtutako ukitu baldartua dute, Deabruarekiko sinpatia erakusten dute, eta 'Jesús está llorando', 'Serpiente negra', 'Pollo podrío', 'Boogie de la muerte' eta 'Satánica' gisako lanei soinu zingiratsua ematen zien lokatzetan murgiltzeko ohitura dute.

Aipatutako kantuak beren lehenengo bi lanei dagozkie (elepe txiki bat 2009an eta album bat 2011n), baina Ubedako hirukotea bigarren iraupen luzekoa sustatzen hasia da. Diskoa zuzenean grabatu zen, Estatu Batuetan, Austingo estudio batean, eta bere egileek grazia handiz aitortu dutenez, soinu “zaborreroago eta txatarreroago” baterantz jo nahi izan dute. Izenburuak? 'Lamentos', 'Rata', 'Santo entierro'... Zentzagaitzak.