Banden Lehia lehiaketaren helburua urtero Interneteko euskal musika talde amateurrik entzutetsuena saritzea da. 2016an 8. edizioa ospatzen dugu. Banden Lehia lehiaketaren helburu nagusia euskara sustatzea da, musikaren alorrean kasu honetan. Horretarako online plataforma bat jartzen dugu martxan, musika taldeen parte hartzea bideratzeko eta urteko euskal musika talde amateurrik onena saritzeko. Lehiaketak bi fase izaten ditu eta urtero iraila – azaroa bitartean ospatzen da: lehenengoa Internet bidez garatzen da eta bozketa popularra eta epaimahai aditu baten iritziak batzen ditu; eta bigarrena, zuzeneko ekitaldi batetan ospatzen da. Talde finalistek zuzeneko emanaldi bat eskaintzen dute.